Ýmislegt fréttnæmtÝmislegt fréttnæmt
Margar nýjar greinar á vefnum http://www.agropub.no/
Áhugaverð ráðstefna í Danmörk!
http://www.okologi-kongres.dk/ Kynnið ykkur hina fjölbreyttu dagskrá ráðstefnunnar.
Ef einstaklingar skrá sig fyrir 3. apríl fá þeir verulegan afslátt af ráðstefnugjaldi!
Nýjar fréttir frá SAFO
Ný norsk bók um plöntuvernd komin út!
Nýr pöntunarlisti kominn út.
Pöntunarlisti fyrir lífrænt vottað fræ er kominn út hjá Solskikken - Öko-& Demeterfrö 2006.
Sjá vefsíðuna www.solskikken.dk - hægt er að fá bæklinginn sendann!
Umhverfisvænar byggingar
Norska umhverfismerkjaskrifstofan, sem m.a. sinnir
málefnum Norræna Svansins þar í landi, hefur safnað á eina vefsíðu góðum ráðum
fyrir þá sem vilja hafa umhverfisþætti til hliðsjónar við nýbyggingar og viðhald
húsnæðis. Þar er meðal annars að finna ábendingar um val á eldhúsinnréttingum,
fúavörn, byggingarplötum og þvottavélum, auk þess sem vísað er á svonefndan
NOBB-gagnagrunn, þar sem leita má upplýsinga um umhverfismerktar byggingarvörur.
Síðan miðast að sjálfsögðu við framboðið á norskum markaði, en þar gætu þó
einnig leynst gagnlegar upplýsingar fyrir íslenska húsbyggjendur og húseigendur.
Í því sambandi má benda á upphafsorð síðunnar: „Í reynd ákveða neytendurnir
hvaða vörur verslanirnar bjóða“.
Lesið
umfjöllun
ecolabel.no 23. des. sl.
af
http://www.samband.is/dagskra21/
11/1.06
Vinnuplagg frá EISFOM
Synthesis and final recommendations on the development of a European Information System for Organic Markets (=D 6 Report) to the EISFOM membernet http://www.eisfom.org/member. The exact address is:
http://130.226.173.223/Upload/EISfOMmember/Document/D6_EISFOM_final.doc
JOIN THE ORGANIC CONGRESS 2006 (http://www.organic-congress.org)
This year, the biennial Danish Congress is organised in cooperation with ten European research projects on Organic Food and Farming. The joint organic congress is held in Odense, Denmark on 30. - 31. May 2006.
Contributions from researchers outside the EU-projects are highly welcomed. In addition, contributions and views from stakeholders are regarded as very important.
If you wish to make a presentation at the congress, you will find more information at the congress website. Deadline for contributions is 15. February 2006.
The congress will include plenary meetings, parallel sessions and workshops within four main congress topics:
Topic 1: Towards a sustainable Europe
Topic 2: Improving quality of crops, soil and environment
Topic 3: Animal husbandry - health, welfare and food quality
Topic 4: Consuming organics
For further information, please see the congress website at:
http://www.organic-congress.org
Sláturhús og kjötvinnsla Kaupfélags Vestur-Húnvetninga (KVH) á Hvammstanga hefur nú fengið alþjóðlega vottun Vottunarstofunnar Túns til vinnslu á lífrænum hráefnum. Vottunin felur í sér að KVH getur tekið við lífrænu sauðfé til slátrunar, unnið úr því ýmsar kjötvörur og sérmerkt þær fyrir lífræna matvörumarkaðinn. Með því er rofið meira en tveggja ára tímabil frá því að bændur í lífrænni sauðfjárrækt gátu síðast selt afurðir sínar sem lífrænar.
Sláturhús og kjötvinnsla KVH á Hvammstanga er tæknivætt og gæðastýrt fyrirtæki með öll tilskilin leyfi, þ.á.m. til útflutnings á EES. Með vottun Túns er staðfest að fyrirtækið uppfyllir alþjóðlegar kröfur um aðgreiningu lífrænna hráefna á öllum stigum slátrunar, úrvinnslu, geymslu og pökkunar, um uppruna og rekjanleika hinna lífrænu afurða, um efnanotkun og hreinlæti, og um skráningu og merkingar.
Lífrænt lambakjöt er upprunnið úr lífrænni sauðfjárrækt sem nú er stunduð á fimm stöðum á landinu: Á Brekkulæk í Miðfirði, á Mælifellsá í Skagafirði, í Árdal í Kelduhverfi, í Þórisholti í Mýrdal og í Skaftholti í Gnúpverjahreppi. Bændur á þessum vottuðu bæjum ala sauðfé sitt eingöngu á lífrænu fóðri og beita því á vottað graslendi eða villta fjallhaga. Lyfjanotkun er innan þröngra marka og hugað er sérstaklega að velferð sauðfjárins á fóðrunar- og fengitíma að vetrum (þ.e. nægu húsrými, undirburði og útivist).
Reiknað er með að sláturhús KVH taki einungis við hluta þess lífræna lambfjár sem slátrað verður í landinu á þessu hausti, en með vottun hússins skapast hinsvegar færi á að undirbúa að ári söfnun þess lambfjár sem þá verður fáanlegt til slátrunar frá hinum ýmsu bæjum. Vottun KVH gæti einnig orðið öðrum sauðfjárbændum hvati til að hefja lífræna aðlögun.
Eftirspurn eftir lífrænum matvælum vex jafnt og þétt, eins og sjá má af því að tugir dagvöruverslana bjóða ferska og unna lífræna vöru allt árið um kring. Nú eru á þriðja hundrað vörutegundir framleiddar hér á landi með lífrænum aðferðum, og fjölgar þeim ár frá ári.
Lífrænar afurðir hafa þá sérstöðu á markaði að allur ferill þeirra, frá ræktun bóndans til pökkunar í neytendaumbúðir, er undir eftirliti óháðs aðila, þ.e. vottunarstofu sem fylgist með því að uppruni og meðferð afurðanna sé í samræmi við alþjóðlegar kröfur um lífræna framleiðslu. (Fréttatilkynning 19.10.05 Vottunarstofan Tún)
Fyrirlestradagskrá um stóreldhús
Glæsileg sýning - búnaður – matur og drykkur
Grand Hótel Reykjavík 3. - 4. nóvember - aðgangur ókeypis!
Fimmtudagurinn 3. nóvember 2005
Sýningarsvæði opið frá:12.00-18.30
Opnun í Hvammi þingsal: “Spennandi stóreldhús” kl. 13:00
“Markfæði í mötuneytum og stóreldhúsum”
Föstudagurinn 4. nóvember 2005
Sýningarsvæði opið frá: 12.00-18.30
“Hvernig fáum við sem flesta í mötuneytið okkar?” kl 13:00
“Turbochef ofnar – engum öðrum líkir”
“Að snúa goðsögn í veruleika: Forsendur lífrænnar veitingaþjónustu á Íslandi” (ATH)
“Óvænt uppákoma!!” - í boði STÓRELDHÚSSINS 2005
Mangó jógúrt komin í verslanir!
Nú er komin á markað frá Biobú ný bragðtegund í lífrænni jógúrt, mangó jógúrt og er nú unnið að dreifingu hennar í verslanir. Mangó jógúrtin er án efa kærkomin nýjung við þær þrjár tegundir sem fyrir eru fyrir marga þá neytendur sem þegar hafa valið sér neyslu á lífrænni jógúrt (ww.biobu.is)
Maður lifandi: veitingastaður - verslun - námskeiðahald, o.fl.
Nú hafa verið opnaðar tvær verslanir undir merkinu Maður lifandi.
Tilgangur „Maður lifandi“ er að byggja upp heilsuvöruverslun, matstofu og
fræðslumiðstöð þar sem boðið er upp á gott úrval af hollri matvöru og bætiefnum,
tilbúnum heilsuréttum sem hægt er að borða á staðnum eða til að taka með í
vinnuna eða heim. Svo og markvissa kynningar- og fræðslustarfsemi þar sem
fjallað er um hollustu og betri líðan.
Hugmyndafræði okkar byggir á breytingum sem orðið hafa í samfélaginu og tengjast
aukinni áherslu á bætta heilsu, aukinni tíðni lífstílssjúkdóma og ofnæmis,
lengri vinnutíma og álags og aukinni þörf fyrir að geta matreitt fljótt og
auðveldlega heilsusamlegan mat fyrir alla fjölskylduna á sanngjörnu verði.
Verslanrinar eru staðsettar í Borgartúni 24, 105 Reykjavík og í Hæðasmára 6, 201 Kópavogur.
Opnunartími: Virka daga kl. 10 - 20. Laugardaga kl. 10 - 17 Sími: 58 58 700
Lífrænt
vottuð eggjaframleiðsla á Sólheimum í Grímsnesi
Eina lífrænt vottaða eggjabúið á Íslandi er að Sólheimum. Búið fullnægir allri eggjanotkun að Sólheimum, en umframframleiðsla er seld í versluninni Völu. (www.solheimar.is)
Yggdrasill besti sölufulltrúi Rapunzel ársins 2005!
Fyrirtækið Rapunzel veitti versluninni Yggdrasil viðurkenningu fyrir vel unnin störf!
Rúnar Sigurkarlsson og Hildur Guðmundsdóttir eru eigendur verslunarinnar Yggdrasils. Verslunin sérhæfir sig í lífrænt ræktuðum vörum og hafa meðal annars selt vörur frá þýska framleiðandanum Rapunzel. Á þrjátíu ára afmælishátíð Rapunzel sem fram fór 17.-18. september 2005, hlutu Rúnar og Hildur viðurkenningu frá framleiðandanum fyrir öflugt starf og var Yggdrasill kjörinn besti sölufulltrúi ársins 2005!
Rapunzel selur vörur sínar til 42 landa og miðað við höfðatölu eru Íslendingar sú þjóð sem kaupir hvað mest af vörum þess. Rapunzel framleiðir eingöngu lífrænt ræktaðar vörur og hefur átt mikið fraumkvæði að því að kenna lífræna ræktun á matvælum „Rapunzel er þekkt fyrir sína starfsemi og er þekktasta fyrirtæki Evrópu í þessum bransa,“ segir Rúnar:„Fólk kaupir vörur fyrirtækisins vegna gæðanna og einnig vergna þess sem það stendur fyrir og hvernig starfseminni er háttað.“Rapunzel er í náinni samvinnu við þýsku þróunarhjálpina og er með samvinnuverkefni í þriðja heiminum og fer hluti af hagnaði fyrirtækisins í að byggja þar upp skóla og aðrar grunnþjónustu.(Fréttablaðið 22.sept.05)
John Wilkes með fyrirlestur og sýnikennslu
John Wilkes frá
John Wilkes er
þekktur fyrir kenningar
sínar í
rennslifræði vatns og
orkubreytingar í
vatni og umhverfi og
hvernig nýta
má þessa
þætti bæði
í umhverfislegum
tilgangi, landslags- og
listhönnun, við
ræktun og matvælavinnslu
m.a. til
að auka
gæði matvæla og
hollustu.
Bestu
kveðjur.
Birgir Þórðarson,Sunnan
Vinda
Breiðamörk
12, Hveragerði. 482 2410, 483 5038, 893 1800,
Fundur í F-nytt
Tímaritið Forskningsnytt fjallar um lífrænan landbúnað á Norðurlöndunum. Í ritnefndinni sitja fulltrúar Norðurlandanna, ásamt ristjóra er hefur starfsstöð í Svíþjóð. Að þessu sinni var fundurinn haldinn á Íslandi.
Blaðið er útgefið í samvinnu við tíu rannsóknastöðvar í Danmörk, Finnlandi, Noregi, Svíþjóð og Íslandi. Tímariði hefur það að markmiði að miðla þekkingu og sjónarhornum frá rannsóknageiranum í lífrænum fræðum til rannsóknaaðila, ráðunauta, leiðbeinenda og bænda. Forskningsnytt höfðar einnig til stjórnvalda, fræðslustofnana og annarra er áhuga hafa á lífrænum landbúnaði. Greinarnar eru flestar skrifaðar á norrænu máli þó ein og ein slæðist inn á ensku. Forskningsnytt kemur út í um 5-6 tölublöðum á ári og er hægt að gerast áskrifandi af því með því að hafa sambandi við landsfulltrúa í ritnefndinni.
Ritstjórnarfundurinn fór fram á Hvanneyri, dagana 18.-19. ágúst. Fundað var ásamt því að fara í skoðunarferð um Borgarfjörðinn og að lífræna býlinu Neðri-Hálsi í Kjós. Þar var vel tekið á mót hópnum af Kristjáni Oddssyni og Dóru Ruf .
Gengið var um býlið og rætt um búskapinn og stöðu lífrænnar ræktunar. Framleiðsluafurðir Biobús ehf, er þau reka, voru skoðaðar og mátti heyra almenna ánægju með afurðirnar. Nú er svo komið að lífræn framleiðsla hér á landi annar ekki eftirspurn!
Ritnefndina skipa eftirfarandi: Claus Bo Andreasen (DK), Ásdís Helga Bjarnadóttir (LBHÍ - IS), Grete Lene Serikstad (NO), Ulrika Geber (SE) og ritstjóri blaðsins er Karin Ullvén (SE).
Bíóbú leitar að samstarfsaðilum
Nú stefnir í hráefnisskort til framleiðslu á lifrænni jógúrt vegna mikillar sölu undanfarna mánuði. Því vill Biobú hér með leita eftir samstarfsaðilum meðal bænda sem áhuga hefðu á framleiðslu á lífrænni mjólk.
Lífræn jógúrt var fyrst sett á markað í júní 2003, í þeim tilgangi að byggja upp lífrænan mjólkurmarkað til að afsetja lífræna mjólk. Allt frá árinu 1997 hefur verið um offramboð á lífrænni mjólk að ræða.
www.biobu.is 12.08.05.
Sala á lífrænni jógúrt jókst um 174% í apríl.
Sala á lífrænni jógúrt milli ára heldur áfram að aukast og var hún 174,1% meiri í apríl s.l. miðað við apríl 2004. Ef litið er til síðustu 11 mánaða að þá er meðaltals söluaukning um 77,1 % miðað við sömu mánuði árið 2003 - 2004, en sala á lífrænni jógúrt hófst 3. júní 2003/www.biobu.is
Skýrslan – þar sem skráðar voru athuganir og skoðanir yfirvalda menntamála í 13 sveitafélögum og tveimur skólum í England og Wales – leiddi í ljós að nemendur sem fengu máltíðir sem lagaðar voru úr fersku, óunnu hráefni og höfðu aðgang að drykkjarvatni voru með betri einbeitingu og athygli þeirra var betri en hjá börnum sem ekki nutu þessa, einnig voru líkindi fyrir ofvirkni minni hjá þessum börnum. Þau voru jafnframt rólegri og betur vakandi í tímum.
Höfundum skýrslunnar var ætlað að koma með hugmyndir að hollum skólamáltíðum. Prinsinn af Wales er í forvígi fyrir bæði þessi samtök og var hann hvatamaður að þessari skýrslu. Peter Melchett hjá Soil Association segir hollar skólamáltíðir vel viðráðanlegt markmið, bæði í framkvæmd og út frá fjárhagslegu sjónarmiði. Hann segir ávinninginn afar mikinn, bæði fyrir börnin sjálf og fyrir samfélagið.
Nýlega greindu fjölmiðlar frá því að sjónvarpskokkurinn vinsæli Jamie Oliver hafi verið kallaður til ráðgjafar breskum stjórnvöldum varðandi breytingar á matseðli breskra skólamötuneyta. Sem kunnugt er notar Jamie Oliver aðeins lífrænt ræktuð matvæli og er hann er þekktur fyrir uppskriftir sínar að einföldum, meinhollum og umfram allt ljúffengum réttum./www.heilsa.is
Komin er út á Agropub handbók á norsku um lífræna matjurtarækt. Hana er einnig að finna hér á vefsíðunni undir Fróðleik-jarðrækt, fyrir þá sem lesa norræn tungumál.
Nýjar fréttir á www.agropub.no
Páskalambið
Lífrænt ræktað lambakjöt frá Brekkulæk í Miðfirði vottað frá Tún ehf. Kjötið selst í heilum skrokkum, sagað eftir óskum hvers og eins. Verð á 627 kr/kg. Pantanir er hægt að senda á netfangið rik@simnet.is (gott væri að gefa upp símanúmer) eða hringja í síma 4512977. Bóndinn á Brekkulæk heitir Friðrik Jóhannsson.
Carlo Leifert professor við Newcastle háskólann kom hingað til lands á vegum Vottunarstofunnar Tún. Hann hélt fyrirlestur á Hvanneyri miðvikudaginn 2. mars kl 13:15-14:45. Hér í viðhengi undir yfirskriftinni má sjá fyrirlestur hans.
Kynnið ykkur
yfirlýsingu um
NÝJA NORRÆNA MATARGERÐARLIST
sem finna má á vefsíðu Nordisk kökken eða Norræna eldhússins!
Besti bændavefurinn
Með besta
innihaldið var:
Neðri Háls í Kjós – www.biobu.is
Vefurinn biobu.is hlýtur fyrstu verðlaun fyrir innihald en þar er tekið til
efnistaka, skipulags, faglegra vinnubragða og málfars. Það var mat dómnefndar að
vefurinn væri í heild fróðlegur og fjölbreyttur. Greinilegt er að vefhönnuður og
ábyrgðarmaður vefsins, Kristján Oddsson á Neðra Hálsi, hefur lagt mikla vinnu og
metnað í vefinn.
Á vefnum biobu.is sem er frá Neðri- Hálsi í Kjós má finna ýmsar upplýsingar um
framleiðslu lífrænna mjólkurafurða. Fjallað er um lífræna framleiðslu í víðu
samhengi og áhrifum hennar á umhverfi, velferð dýra og heilsu fólks.
Sigurvegararnir vinna gistingu fyrir tvo í tvær nætur á Radisson SAS.
Bændablaðið og bondi.is þakka öllum kærlega fyrir þátttökuna í keppninni og óska
sigurvegurunum til hamingju!
Í dómnefnd voru þau Snorri Sigurðsson, framkvæmdastjóri LK, Oddný Kristín
Guðmundsdóttir, vefstjóri hjá Búnaðarsamtökum Vesturlands, Guðmundur
Jóhannesson, ráðunautur hjá Búnaðarsambandi Suðurlands og Tjörvi Bjarnason
vefstjóri hjá Bændasamtökunum.
Alls voru 22 vefir tilnefndir!/ Bændablaðið greinir frá.
Nú má finna öll helstu erindi inná vefsíðu ráðstefnunnar auk mynda, kvikmyndar, yfirliti yfir aðila sem sýndu afurðir sínar og fleira. Íslensku þátttakendurnir í ráðstefnunni voru Ásdís Helga Bjarnadóttir, Þórður Halldórsson og Karólína Gunnarsdóttir frá Akri í Laugarási og Hjörtur Benediktsson frá NLFÍ í Hveragerði.
Safe and wholesome food - Nýútkomin skýrsla í tengslum við ráðstefnuna sem haldin var 14.-15. október 2004 í Reykjavík.
Lífræn jógúrt - Aukning um 44% síðustu 5 mánuði!
17
.1104. Stöðug aukning hefur verið í sölu á lífrænni jógúrt það sem af er ársins. Ef litið er til síðustu 5 mánaða að þá er meðaltals söluaukning um 44% miðað við sömu mánuði árið 2003, en sala á lífrænni jógúrt hófst 3. júní 2003. Söluaukning í október 2004 var um 29,6%, borið saman við október 2003 (www.biobu.is).
Nýr breskur fræðsluvefur
hefur verið opnaður, slóðin er: http://www.whyorganic.org/
Smáu mjólkurvinnslurnar vinsælastar í Danmörk.
Aldrei hefur verið drukkið eins mikið af lífrænni mjólk eins og nú í Danmörk. Um 28% af heildar mjólkusölunni er lífræn mjólk, samkvæmt Ökologisk Landsforening, en á sama tíma í fyrra var salan rétt tæp 26%. Og danirnir vilja mjólk frá smáu mjólkurvinnslunum - Naturmælk, Ölllingård og Thise (sjá frétt)
Vottunarstofan TÚN er 10 ára! - til hamingu. Haldin var vegleg veisla föstudaginn 15. október 2004 þar sem velunnarar og samstarfsaðilar voru saman komnir. Um 50 aðilar hafa hlotið lífræna vottun á þessum tíma og framleiðslan afar fjölbreytt. Eftirspurn hefur verið að aukast eftir lífrænum afurðum. Nú er Tún einnig farið að votta lífræna framleiðslu í Færeyjum.
Sala á lífrænni jógúrt jókst um 79% í ágúst.
01.09.04. Stöðug aukning hefur verið í sölu á lífrænni jógúrt það sem af er ársins. Ef litið er til síðustu 3 mánaða að þá er meðaltals söluaukning um 43% miðað við sömu mánuði árið 2003, en sala á lífrænni jógúrt hófst 3. júní 2003. Söluaukning í ágúst 2004 var um 79%, borið saman við ágúst 2003, 37% í júní og 24% í júlí.
Lífræn jógúrt fæst m.a. í Hagkaupum, Nóatúni, Fjarðarkaup, Samkaupum, Blómaval, Melabúðinni, 8 stærstu Bónusverslununum á Höfuðborgarsvæðinu, verslunum Krónunnar, Heilsuhúsinu, Yggdrasill, og Brauðhúsinu Grímsbæ og ýmsum fleiri verslunum. (www.biobu.is)
Nýr áfangi í sögu Vottunarstofu TÚNs
Fimmtudaginn 26. ágúst sl. var tveimur færeyskum bóndabýlum veitt alþjóðleg vottun til staðfestingar á því að þau hafi tekið upp lífrænar ræktunar- og eldisaðferðir í framleiðslu sinni. Að því er segir í fréttatilkynningu frá Vottunarstofunni Túni, sem gaf út vottorðin, eru þetta býlin Koltursgarður á eynni Koltur og Heltnin í Oyndarfirði. Með vottuninni er staðfest að á þessum bóndabýlum sé unnið í samræmi við alþjóðlegar kröfur um lífrænar aðferðir.
Segir í tilkynningunni að vottunin marki þáttaskil í umhverfismálum færeysks landbúnaðar, því þetta séu fyrstu færeysku framleiðendurnir sem taki upp lífrænar aðferðir undir opinberu eftirliti faggiltrar vottunarstofu.
Vottorðin voru afhent við hátíðlega athöfn í Norðurlandahúsinu í Þórshöfn þar sem Jóannes Eidesgaard, lögmaður Færeyja, flutti ávarp og afhenti vottorðin. Þá töluðu við sama tækifæri fulltrúar færeysku neytendasamtakanna, samvinnufélags bænda (MBM) og Norrænu Atlantsnefndarinnar (NORA) og lýstu þeir allir mikilli ánægju með að lífræn framleiðsla væri hafin í Færeyjum.
„Vottun fyrstu færeysku bændanna er dæmi um áþreifanlegan árangur vestur-norræns þróunarverkefnis sem Vottunarstofan Tún hefur haft forystu fyrir, og byggst hefur á því að kynna lífrænar aðferðir fyrir framleiðendum, neytendum og stjórnvöldum á Grænlandi og í Færeyjum,“ segir í tilkynningu Túns. Þarlendir sérfræðingar með þekkingu á staðháttum og framleiðslu heimalanda sinna hafi fengið sérstaka þjálfun til þátttöku í staðlastarfi, eftirliti og vottun undir merkjum Vottunarstofunnar Túns. Verkefnið sé liður í því að hagnýta lífrænar aðferðir til að skjóta nýjum stoðum undir atvinnulíf og menningu jaðarbyggða og dreifbýlis í hinum vestur-norrænu samfélögum (MBL).
Amerískar pönnukökur - Uppskrift
Rannsóknaverkefni innan lífrænnar ræktunar.
Í gangi hefur verið rannsóknaverkefni inna lífrænnar ylræktar að Reykjum. Áherslan er á notkunarmöguleika mismunandi áburðargjafa í gúrkuræktun. Sjá titil.
Lífræn matvæli heilsusamlegri?
Sjá grein sem tengd er titlinum hér að ofan. Niðurstöður rannsókna í Noregi.
Mikil áhersla á rannsóknir innan lífrænnar framleiðslu um allan heim.
Búið er að samþykkja svokallað Action Plan 2002-2006 fyrir lífræn matvæli í Evrópu - kynnið ykkur málið!
Útimarkaðir í sumar
Í sumar verða víða útimarkaðir og handverkssýningar þar sem lífrænar afurðir verða m.a. á markaði. Nýtið ykkur að nálgast ferskar lífrænar afurðir þar og um leið að kynnast framleiðendum þessara afurða hér á landi!
Í nýjasta Bændablaðinu er meðfylgjandi auglýsing, sem beint er til kvenna í sveitum landsins. Um er að ræða þróunar- og fræðsluverkefni styrkt af Norðurslóðaáætlun Evrópusambandsins. Forsvarsmaður verkefnisins er Bjarnaheiður Jóhannsdóttir atvinnu- og jafnréttisráðgjafi Suðurkjördæmisen ásamt Helgu Björgu Ragnarsdóttur, atvinnu- og jafnréttisráðgjafa Norðausturkjördæmis.
Þær ykkar sem hafa verið í jurtatínslu, eða hafa áhuga á henni, ásamt hugsanlega ræktun á lækningajurtum ýmiskonar (tíundað í auglýsingunni hverjar helst) ættu að kynna sér málið. Vinsamlegast hafið samband við Bjarnheiði í síma 862 6102, hún skráir áhugasamar konur niður og veiti frekari upplýsingar ásamt Símenntunarmiðstöð Vesturlands (þar er reyndar komin á sumaropnun, með takmarkaðri viðveru).
Auk þess eru ábendingar varðandi fyrirtæki sem vinna úr jurtum vel þegnar, en forsvarsmenn verkefnisins hafa nú þegar skapað tengsl við nokkur slík fyrirtæki sem eru í stærri kantinum. Sá þáttur styrkir verkefnið verulega hvað varðar möguleika á atvinnutekjum af þessari starfsemi.
Jafnframt ef þið vitið um konur sem vinna afurðir úr jurtum þótt í litlum mæli sé, þá væri það vel þegið að þið annað hvort bentuð þeim á verkefnið eða senduð Bjarnheiði upplýsingar um þær.
Ráðstefna um heimavinnslu og sölu afurða
Ráðstefnan var haldin á Hvanneyri föstudaginn 30. apríl af frumkvæði Lífrænnar miðstöðvar Landbúnaðarháskólans á Hvanneyri í samvinnu við Landbúnaðarráðuneytið, Bændasamtök Íslands og Félags ferðaþjónustubænda. Hugmyndin kemur til af því að lífrænir framleiðendur hafa undanfarin ár staðið í ströngu við vöruþróun og markaðssetningu á eigin afurðunum. Þeir hafa því rekið sig á ýmsa þætti í lögum og reglum er gerir framleiðendum erfitt fyrir og fær fólk til að hugsa hvort þetta sé líka svona flókið í öðrum löndum og/eða hvort hægt er að enduskoða framleiðslukröfurnar með tilliti til heimavinnslu eða smávinnslu í sveitum!
Dagskrá ráðstefnunnar má finna hér undir titlinum ásamt þeim erindum sem flutt voru. Einnig má hér finna myndir sem teknar voru á ráðstefnunni.
Grænmeti í áskrift
Eins og fram kemur í kynningarefni frá Græna Hlekknum (www.akurbisk.is) er grænmeti í áskrift valkostur fyrir neytendur sem vilja fá lífrænt ræktað grænmeti beint frá framleiðanda. Yfir uppskerutímann þegar úrvalið er sem mest, þ.e. frá lok maí og til loka október gefst fólki kostur á að panta vikulega samkvæmt vörulista.
Að þessu verkefni koma fimm aðilar:
Garðyrkjustöðin Akur (tómatar, gúrkur, paprikur, kirsuberjatómatar, chile-pipar o.fl.)
Garðyrkjustöðin Engi (Salat og kryddjurtir)
Garðyrkjustöðin Kvistholt (Snemmsprottnar gulrætur)
Gróðrastöðin Hæðarenda (útiræktað grænmeti, s.s. gulrætur, kál, kartöflur, rófur o.fl.)
Bio-bú (Jógúrt - hreint, m/múslí og m/jarðaberjum)
Þeir sem hafa áhuga ættu að kynna sér málin - hvað er betra en ferskt grænmeti beint frá bændum! Sjáið einnig niðurstöður rannsókna á gærði grænmetis hér að neðan.
Gæði grænmetis með lífræna vottun hér á landi.
Niðurstöður um gæði grænmetis eru í fjölriti Rala nr. 202 (Gæði grænmetis á íslenskum markaði) og er það einnig í greinasafni á Landbúnaðarvefnum. Þar er eftirfarandi samantekt um lífrænt ræktað grænmeti:
Yfirleitt kom lífrænt ræktað grænmeti vel út í verkefninu og fékk það oft hæstu mögulega einkunn fyrir útlit og bragðgæði. Lífrænt ræktað grænmeti var yfirleitt léttara en það hefðbundna en lífrænt ræktaðar gúrkur voru þó talsvert þyngri en þær hefðbundnu. Nítrat í lífrænt ræktuðu grænmeti var yfirleitt ekki áberandi frábrugðið því sem mældist fyrir hefðbundið grænmeti. Þó var greinilega minna nítrat í lífrænt ræktuðum gúkum en þeim hefðbundnu.
Athyglisvert er að íslenskar lífrænt ræktaðar gulrætur fengu alltaf háa einkunn fyrir gæði, hvort sem sýni voru tekin að sumri eða vetri til. Þau sýni af lífrænt ræktuðum kartöflum sem metin voru fengu öll hæstu einkunn fyrir útlit. Lífrænt ræktaðar gulrófur reyndust vera nokkuð smáar en útlit og bragðgæði voru í góðu lagi og afskurður var lítill. Lífrænt ræktaðir tómatar voru smáir en safaríkir og fengu hæstu mögulegu einkunn fyrir útlit (fallegir og gallalausir). Lífrænt ræktuð paprika kom vel út úr gæðamati.
Til er skýrsla um athugun á bakteríum í grænmeti á íslenskum markaði. Ágrip hennar er birt í greinasafni á Landbúnaðarvefnum (Athugun á gerlum í íslensku og innfluttu grænmeti). Eftirfarandi niðurstaða er birt: Athyglisvert er að gerlafjöldi í sýnum af lífrænt ræktuðu grænmeti (fjögur sýni af íslenskri framleiðslu) var meðal þess lægsta sem mældist. Kynnið ykkur þetta nánar.
Lífrænt vottað íblöndunarefni fyrir hey
Á vegum Hydro er nú framleitt lífrænt vottað íblöndunarefni fyrir votverkað hey. heitir það GrasAAT-Eco er hefur Debio-vottun. Samkvæmt upplýsingu frá framleiðenda eykst mjólkurframleiðslan við notkun þess, einnig innihald fitu og próteina í mjólk og meiri vaxtahraði mælist hjá unggripum.
Sænsk tilraun um köfnunarefnisnýtingu búfjáráburðar - aðferðir til að bæta varðveislu N og nýtingu.
Lífrænt ræktað lambakjöt - tilvalið í páskamatinn!
Til sölu á Brekkulæk í Húnaþingi vestra.
26.03.2004
Fyrstu gúrkurnar eru komnar í verslanir - Yggdrasil á Kárastíg og Brauðhúsið í Grímsbæ.
Hvaða áburðarefni má nota í lífræna ræktun?
Yfirlit yfir nokkra áburðagjafa.
Þrjú framsækin myndarbýli hlutu viðurkenningu í upphafi Búnaðarþings. Eitt af þeim var Vallanes í Fljótsdalshéraði á Völlum, sem hefur stundað lífræna ræktun allt frá árinu 1989. Til hamingju með það!
Hér á leikskólanum notum við ýmsar vörur sem eru lífrænt ræktaðar. Við ræktum okkar eigin grænmeti sem við notum bæði ferskt og í matseld. Ef þess er kostur kaupum við lífrænt ræktað grænmeti frá íslenskum bændum. Við notum einnig vörur frá Yggdrasil s.s. hveitivörur ýmsar, pasta, hrísgrjón og hrásykur. Frá Bíobú fáum við lífræna jogurt í morgunmatinn. Með jógurtinni notum við rúsínur og ávexti. Við notum eingöngu lífrænt ræktað hveiti og hveitivörur í bakstur fyrir börn og starfsfólk, einnig í sósur og aðra matargerð. Kokkurinn okkar notar afganga af hafragraut og hrísgrjónagraut í brauð og kökubakstur. Pastaafganga nýtir hún í ofnbakaða rétti eða salöt. Bæði börn og starfsfólk er mjög ánægt með þennan kost.
Þess má einnig geta að við flokkum allan úrgang og jarðgerum auðvitað það lífræna sem við notum svo í matjurtagarðinn okkar. Þannig læra börnin um hringrás náttúrunnar./Kveðja frá Kátakoti
Lífræn mjólkurframleiðsla kynnt á vef Mjólkursamsölunnar
Vefsíðan kemur í stað eldri síðu sem hefur verið undir slóðinni www.vortex.is/biobu
Kynnið ykkur veitingastaði sem leggja metnað sinn í að nota lífrænt ræktað hráefni!
Staðirnir eru kynntir undir liðnum Upplýsingar hér á vefnum!
Meira en 24 milljón hektarar lífrænt vottaðir
Þetta kemur fram á væntanlegri ráðstefnu og sýningu sem nefnist BioFach www.biofach.de og verður dagana 18-22. febrúar. Samkvæmt niðurstöðum könnunar eru um 24 miljón hektarar af landbúnaðarlandi vottaðir lífrænir í heiminum í dag. Ástralía er með um 10 milljón hektara vottaða, þar á eftir Argentína (um 3 milljónir hektara) og svo Ítalía. Sé takið mið af vottuðu landi í hlutfalli við landbúnaðarland leiðir Austuríki, Sviss og Skandinavía. Í Sviss er um 10 % landbúnaðarlands vottað lífrænt.
Markaðsvirði lífrænna afurða árið 2002 var um 23 billjón US$ og er stærsti markaðurinn í Evrópu og Norður Ameríku. Á ráðstefunni verður tölfræði lífræns landbúnaðar kynnt og framtíðarsýn IFOAM.
Frá Soil Association
,,Lífrænar afurðir bragðast alltaf betur" segir sjónvarpskokkurinn Jamie Oliver, sjá frétt.
Kynningarfundur um nýja jarðgerðartækni
Staðardagskrá 21 hafði milligöngu um að boða til kynningafundar um nýja AgBag-jarðgerðartækni þann 10. febrúar í húsakynnum Sambands Íslenskra sveitarfélaga.
Á fundunum kynnti Olle Östlund frá CompoNordic í Svíþjóð (http://www.componordic.nu) AgBag-tæknina sem fyrirtæki hans hefur að bjóða á þessu sviði fyrir sveitarfélög og sorpsamlög. Auk búnaðar fyrir jarðgerð býður CompoNordic upp á lausnir við meðhöndlun á seyru og fyrir geymslu á úrgangi sem bíður meðhöndlunar. Tækni þessi byggir á því að allt lífrænt hráefni sem til fellur er safnað á einn stað, það saxaði í um 12 mm og blandað við þurrefni þannig að raki hráefnisins sé um 50%. Blöndunni er svo þrýst inn í plast, einskonar pylsu. Röri er fyrirkomið inn í pulsunni og tengd við loftdælu. Tæknin byggir svo á því að soga loft í gengum hauginn í gengum ventla á plastinu og/eða blása lofti upp í gengum stæðuna þannig að gerjun eigi sér stað og rakinn. Fylgjast þarf grant með C/N hlutfalli, raka og hitastigi. Tæknin er þróuð út frá votheysgerð og er ein af ódýrari leiðum í jarðgerð. Tæknina er víða farið að nota erlendis og hefur gengið mjög vel með hana. Fjöldi þátttakenda á fundinum voru um 40 þarf af stór hluti frá stærri byggðalögunum á stór Reykjavíkursvæðinu.
Samráðshópur um jarðrækt
Annar fundur samráðshóps um jarðrækt var haldinn 4. febrúar hjá Bændasamtökum Íslands. Tengiliði hópsins er Árni Snæbjörnsson, BÍ. Þar var farið, m.a. yfir stefnumörkun í jarðræktarrannsóknum árin 2004-2008. Þar er lögð megin áhersla á eftirfarandi þætti:
Bæta nýtni á öllum stigum framleiðsluferilsins, m.a. með því að nota allar helstu tækninýjungar sem völ er á.
Hagkvæm kornrækt og sáðskipti (yrki, ræktunarkerfi, verkun/nýting..)
Hágæða gróffóður í túnum (yrki, meðferð túna, o.fl.)
Framleiðslukerfi með fóðurbelgjurtum (yrki, kynbætur, meðferð o.fl.)
Hringráðs næringarefna, með sérstöku tilliti til N-búskapar.
Nýting lífræns úrgangs (efnamagn, dreifingatími, tegundir úrgangs..)
Sækja virðisauka í framleiðslunni, t.d. vottuð framleiðsla m.t.t. umhverfisverndar, rekjanleika vörunnar, heimaframleiðsla.
Efnatap í vatn og andrúmsloft
Viðhald jarðvegsgæða
Greining á varðveislugildi ,,búsetulandslags”
Forsendur við val á nýtingu lands.
Auka fjölbreytni í rekstrinum, t.d. ræktun iðnaðarjurta, landbætur, ferðamennska.
Lífmassi til iðnaðar
Ræktun lækningajurta
Ræktun til útivistar.
Með þessu er lögð meiri áhersla en áður á verkefni er tengjast umhverfisvernd og gæði afurða í tengslum við hin ólíku framleiðslukerfi landbúnaðarins.